梁奕藍搞生酮生意賺夠6位數　夠錢自資出新歌

歌手梁奕藍（Hayden）繼8月於尖沙咀開設自家生酮飲食店後，事隔數月再接再厲，二度榮升做老闆於太古開分店，獲蕊蕊、唐貝詩及妹妹唐貝欣等好友現身撐場。講到今次重擲過百萬擴充，他解釋資金除投放在門市之外，還有工場及公司，有信心好快就可以翻本：「尖沙咀嗰間喺中秋前開，生酮月餅都好好生意，有6位中數字嘅純利潤，所以對呢間都好有信心。」

至於幕前演出，Hayden指平時都有接商演，更預計明年初會自資推出新歌：「雖然依家以做生意為主，但都想畀人知道我仲係個歌手。（會想簽唱片公司？）如果彼此適合，而條件又好嘅都想，有公司嘅話啲作品就會多人認識。」

曾參與ViuTV首屆真人騷選秀節目《全民造星》的他，表示都有留意今季選女團，大讚師妹個個都好犀利：「已經好女團Feel，可以直接出道，其實每次睇到新一季都好有感受，會諗番起當時啲辛酸經歷，每件事都唔簡單，要好努力先做到。」