結婚4周年︳孖老公Staycation 陳嘉寶大晒靚背

20211204
東網電視
更多新聞短片
現正懷有第3胎嘅女星陳嘉寶(Anjaylia)與老公黃頌祈(Epaphras)向來恩愛,近日佢哋就相約去到酒店Staycation過二人世界,慶祝結婚4周年紀念日!兩公婆於社交網大晒靚相及短片,見Anjaylia一如以往,雖然佗緊B但一樣零水腫,Keep住面尖尖,單睇上半身完全睇唔出有孕在身。而Anjaylia除咗喺酒店房內着住浴袍大影靚相外,亦孖住老公去到泳池游水,以露背泳衣大騷靚背,期間佢更大做韻律泳甫士,相當搞笑。
Anjaylia發文冧爆表示:「感恩有家人的幫忙,可以讓我們每年享受一下二人(但今年好像總多了個人...)世界。同一個地方、同一家餐廳、同一份餐點、同一個游泳池...這是屬於我們的,小小的甜蜜傳統。我相信二人之間的親密無間是整個家庭關係幸福的泉源。叉足電,我們又可以回去為黃小姐們服務了。」