丁子高呻被嫌肥 連累楊千嬅躺着中槍

2021年12月04日 21:01
東網電視
更多新聞短片
歌手楊千嬅老公丁子高身形Fit到爆,無論工作幾忙都會抽空做gym,今日(4日)佢就喺社交網大晒做運動新相,見着上黑色小背心嘅佢大做滾輪運動練腹肌,期間不經意展示結實二頭肌,之後舉啞鈴兼做支撐運動時,更側身漏出胸肌,相當大隻!不過佢就自爆竟被教練嫌肥:「今天K教練說我這種小胖子比較適合鍛煉核心肌肉和靈活性,不適合重量訓練。」唔少網民就指佢一啲都唔肥,仲突然將矛頭將向千嬅,笑指:「麻煩你帶千嬅一起練吧,她最近好像很需要練一練啦。」令千嬅「躺着也中槍」。