鬥扮「貝兒」？范冰冰贏足Baby成條街

內地女星范冰冰曾捲入逃稅風波令事業重創，最近其幕前工作已重上軌道，不但頻頻現身公開活動曝光率十足，其有份演出嘅荷里活電影《355》更落實明年1月於北美及台灣同步公映，翻生有望！日前佢再獲邀出席品牌活動，見佢以淡黃色公主袖長裙上陣，低領平口設計大騷迷人鎖骨及輕露事業線，一身全黃公主風打扮，加上佢喺吊燈下拍照，即令人聯想起經典卡通《美女與野獸》中嘅公主「貝兒」，咁啱女星Angelababy曾因着黃色裙被指似「貝兒」，即有網民將2人比較，大讚冰冰狀態依然保持巔峰，現年40歲嘅佢顏值完全唔輸細8歲嘅Baby，反而更有氣質！