陳偉霆處男下海玩直播　楊冪亂入晒廣東話

男星陳偉霆（William）與內地女星楊冪主演嘅內地劇集《斛珠夫人》，贏盡收視同口碑，近日William首度於內地社交平台開直播，吸引逾2千萬人次觀看，見佢「處男下海」，其好拍檔楊冪當然有現身支持，中途加入直播做特別嘉賓，講到今次合作咁成功，William即席邀請再合作新嘅時裝戲，楊冪亦一口答應，William更連劇本都諗埋：「我們拍一些兩個都比較A（強勢）的那種角色，雙A！」期間楊冪又大晒廣東話，仲叫William教佢講「斛珠夫人」嘅廣東話，場面搞笑。

而提到戲中有大量虐心場口，William就漏口風，劇透結局反而冇咁慘：「我覺得是HE（Happy ending，美滿結局），大家大團圓結局。」