周杰倫腫住眼撐黑人隊波　竟被誤認林俊傑

天王周杰倫自歐洲歎完世界返台灣後，繼續過忙碌生活，不過佢向來朋友至上，喺百忙中就抽空去撐好友陳建州（黑人）有份創立嘅籃球隊鋼鐵人，大戰勇士嘅球賽。雖然身為貴賓，但周董冇太過張揚，只係喺台上黐實黑人睇波，不過有網民發現周杰倫喺黑人晒出嘅短片中，個樣似乎好攰，雙眼浮腫，唔少網民都話心痛佢事業同家庭歌邊兼顧，搞到冇覺好瞓。更有網民有眼不識周杰倫，竟留言話：「我愛你，林俊傑（JJ）！」直把周董當JJ，令不少人忍俊不禁！