姚嘉妮被監製嫌心口唔夠肉：唔畀床戲我！

藝人姚嘉妮今日（5日）出席無綫劇集《十月初五的月光》宣傳，對於劇中飾演萬珠莎華被讚演出不俗，她表示近日收到很多鼓勵說話，心情不懂形容，不諱言該經典角色很多人討論，故演繹時有種無形壓力，幸播出後獲觀眾接受，令其鬆一口氣。

談到網民睇好她成為頒獎禮「最佳女配」，姚嘉妮也恨獎恨到出口：「有就梗係好，唔拘呀！都知道好難，今年好多候選女配角都好好，所以我都有拉票，唔知拉唔拉得夠，屋企人都有幫手拉，雖然未必得獎，但好過係零票，我當依家拎咗獎，開心咗先，唔好浪費時間。」更指曾擔心角色乞人憎，出街會被人鬧，幸好疫情關係口罩不離身，未有被認出，還預告下周劇情更衰：「我會去捉姦。（咁有冇床戲？）冇，因為監製嫌我心口唔夠肉，所以唔畀床戲我。」