鄭嘉穎靠《仁醫》夠入屋 司機請搭的士人生第一次

20211205
東網電視
更多新聞短片
藝人鄭嘉穎、馬浚偉、應屆港姐三甲宋宛穎、梁凱晴和邵初等,今日(5日)現身聖誕活動,引來不少市民圍觀,有市民更大呼鄭嘉穎為「鬍鬚醫生」。活動後他指雖然《星空下的仁醫》收視不算大爆,幸外間口碑不俗,而角色更帶挈他免費搭的士:「人生第一次搭的士唔收我錢,我落車想畀錢的士司機堅持話請我搭,叫我拍多啲好劇就得,個感覺好特別,好多謝司機叔叔。」談到他被視為視帝大熱,他謙虛地說:「唔好咁講,我已經攞過,希望畀啲未攞過嘅,好似張振朗操得咁辛苦,仲有譚俊彥,因為一個獎項改變咗我一生,都希望畀未攞過嘅人,意義更重大,其實我參加頒獎禮咁多年,明白遊戲規則,我唔知幾時先再返TVB拍劇,不如畀啲仍然喺公司嘅人,會更加有用。(《仁醫》咁成功會唔會多啲返TVB拍劇?)有好角色好劇本可以搵我,我唔係為獎項啦,係希望退休前拍多啲好作品。」
聖誕將至,他表示最注重聖誕和農曆新年,會和親友搞派對,每次都很熱鬧,又笑言現時為全職湊仔公,直至通關為止:「都要搵學費㗎,兩個仔仲細,仲有20年要養起碼,如果生性嘅話,唔生性仲耐,諗起都兩滴汗。」