讚完陳偉霆瞓覺樣靚仔　楊冪回春扮Cute見新歡

內地女星楊冪傳出同年輕16年嘅小鮮肉周柯宇搞「機」情，打機打出愛火，不過佢都一於少理，專心投入新劇《斛珠夫人》宣傳，成日都公開同型男陳偉霆組CP、講情話，不過大家都知二人係僅螢幕情侶，所以見到今日（6日）楊冪晒出同陳偉霆嘅親密合照，大家都唔覺得意外，仲有唔少粉絲多謝楊冪，話佢幫手晒出陳偉霆咁少見嘅一面。

不過其實早一日，楊冪就參與拍攝新電競綜藝《你我皆王者》，佢就以少女Hot Look現身，以粉色連身迷你裙襯Choker、大耳環，加上佢頭紮兩條可愛到震嘅「妹妹辮」，成個人減齡到似足20歲，原來個節目同一日仲有佢緋聞男友周柯宇齊齊開工，唔怪得即時回春，就算佢今日現身再見人，都大晒A4腰，點睇都係?妹。