唐詩詠同劉佩玥「摔角」:警告佢咪再蝦我阿哥

2021年12月06日 18:01
東網電視
更多新聞短片
藝人唐詩詠與劉佩玥(Moon)正忙於為無綫新劇《隱形戰隊》開工,現時拍攝已經去到尾段,預計今個月內將完成拍攝工作,昨晚(5日)詩詠與Moon於一間空中瑜伽課室內取景拍攝,而劇情就講述詩詠走去搵Moon講數,點知兩女就換來一場「女子摔角」,詩詠接受東網訪問時說:「今日我哋好似去玩瑜伽咁,但其實我係去警告Moon,唔好再蝦我阿哥(林子善),唔好收我阿哥做觀音兵,所以實質上我哋係冇玩過瑜伽,最後就變咗女子摔角。」問詩詠現實生活中會否都有玩過空中瑜伽時,她笑言;「空中瑜伽我就冇玩過,但女子摔角我就好厲害,我哋兩個都幾狼死㗎!」
詩詠於社交網上載了與Moon的合照,留言Hashtag又有「呢位女士巧得意」、「佢應該80歲都係咁Cute」、「我懷疑係愛情嘅開始」、「又愛又恨」 等字眼,似乎與Moon的關係相當之好,詩詠亦不諱言:「我同Moon係第一次合作,但係佢都好玩得,會有啲好得意嘅Idea大家夾吓,除咗暴力之外,我哋都好有搞笑細胞,所以呢場戲拍咗出嚟我自己都好鍾意。」 而Moon事後亦於詩詠的社交網上留言:「喂阿巧Sweet Sweet ahhh」,佢兩個真係好有「愛」呢!