黎諾懿諗定細仔乳名？李潔瑩：應該同牛有關！

藝人黎諾懿太太李潔瑩與貝安琪，分別帶同兒子小春雞和Sebastian，在將軍澳出席商場活動。腹大便便的李潔瑩預產期還有2星期，問到心情緊張嗎？她笑說：「依家還好，遲啲就冇得瞓，同埋食嚟食去都係嗰啲嘢，諗起都灰。（老公緊唔緊張？）唔緊張，始終生第2個有經驗，識得放鬆。（細仔改咗名？）中文名等BB出世，再搵師傅改，乳名就因為係牛年，應該同牛嘅食品有關。」小春雞亦知道自己將要做哥哥，表示很開心細佬陪他玩。

貝安琪與老公亦有計劃再「造人」，她亦趁機摸李潔瑩的大肚沾旺氣，問到老公希望生仔定女？她說：「佢冇所謂，最緊要小朋友健康，依家都努力緊。」