視后冇包袱 蔡思貝博到盡連「野獸」都扮埋?

20211207
東網電視
更多新聞短片
視后蔡思貝近日正忙於拍攝新劇《法證先鋒V》,以為喺劇中正正經經查案嘅佢,呢日竟然着上公仔衫,化身「大灰狼」,孖住同劇拍檔、扮演獅子嘅好友何遠東,喺郊外上演另類「野獸」打鬥戲!蔡思貝於社交網大晒花絮片段,見蔡思貝踎喺地下,「獅子」何遠東就作勢拍打其頭部,蔡思貝亦交足戲扮暈,2人「打成一片」相當搞笑!唔少網民都話好期待呢場無厘頭嘅搞笑戲份,仲話扮動物對扮醜扮到攞視后嘅蔡思貝嚟講,簡直一啲難度都冇!