台劇兩大男神連場惡鬥　賀軍翔首戰跑輸王子

主演台劇《惡魔在身邊》而走紅嘅台灣一代偶像劇男神賀軍翔，近日罕有參與體育競節目《全明星運動會》第3季，與同樣係台灣偶像嘅邱勝翊（王子）同場較量，得兩大男神坐鎮，節目日前首播即獲得高收視佳績。其中首集大鬥田競，於100米短跑賽事中，於體育學院畢業嘅賀軍翔跑出12秒68嘅好成績，但依然不敵王子嘅12秒16，最終屈居第3，戰況相當激烈！至於與王子同樣出身Lollipop棒棒堂嘅楊奇煜（小煜），曾在第1季節目受傷退賽，今次強勢回歸於擲鐵餅中獲得好成績。