陳自瑤李佳芯夾擊　姜濤Anson Lo多人搵冠絕全港

又到年尾，大家都愛整唔同嘅全年大事回顧，有搜尋平台就公布2021年「全年搜尋人氣榜」結果，當中MIRROR同ERROR成員Hot爆全網，當中「十大熱搜娛樂圈風雲人物」排行榜第1至3位都係由MIRROR成員奪得，包括姜濤及Anson Lo分別奪得第1名及第3名，而「MIRROR」則奪得第2名，連同第7名嘅193（郭嘉駿）＠ERROR、第8位Edan（呂爵安）@MIRROR，兩個男團共佔5席，真係勢不可擋。

視后李佳芯亦連年打入排行榜，今年就奪得第4名，出鏡率勁高嘅女神陳自瑤就穩坐第5名，人氣同樣高企。至於TVB選秀節目《聲夢傳奇》冠軍炎明熹（Gigi）就打入排行榜第6名、亞軍姚焯菲剛排第10。不過最令人意外嘅，係排舞師麥秋成竟然奪得第7名寶座，未知係咪佢高調娶英皇藝人湯怡，再緊接迎接小生命而造就人氣。