水着上陣大晒瘦身成果　余香凝勁騷招牌43吋長腿

藝人余香凝今年榮升媽媽，為老公誕下1女，產後佢火速收身成功，回復苗條身材，完全睇唔出已為人母。呢日佢就大晒泳衣照，再次展示瘦身成果，見以粉藍色一件頭泳衣上陣嘅佢，側身勁騷招牌43吋長腿，之後再浸落泳池玩濕身誘惑，配合埋身後嘅無敵海景以及夕陽景色，靚人靚景，認真冇得輸！佢留言表示：「紀念一下瘦下來的自己，現在比以前對自己更嚴格了。有陽光有恒溫泳池，其實都挺溫暖的。」