馮盈盈做「慢勢摩王」 慘被張頴康咆哮:你識唔識打牌?

2021年12月07日 21:02
東網電視
更多新聞短片
由薛家燕擔任「話事人」的無綫綜藝遊戲節目《麻雀鬥室三決一》,今晚(7日)十點半將於翡翠台播出第4集。上星期播出第二輪出戰的麻雀高手藝人有馮盈盈、張頴康、朱敏瀚及陸浩明,4位嘉賓分別夥拍戴祖儀、林盛斌、吳若希及鄭衍鋒「4大護法」,大玩別開生面的麻雀遊戲爭奪節目送出的獎金及獎品。
上集2個遊戲環節分別是「大執位」及「絕世好牌」,自稱戰無不勝的盈盈,面對以「么神」自居的陸浩明、係威係勢的張頴康以及「骰魔」朱敏瀚時,即變得與平時「判若兩人」。向來以「轉數快」馳名的盈盈,在麻雀枱上竟變成「慢勢摩王」,每打一隻牌都要思前想後,慘遭同枱對手寸爆:「有盈盈嘅Call Time要加番五個鐘。」由於事態嚴重,出名好好先生的張頴康亦忍不住咆哮謂:「你到底識唔識打牌?」雖然慘遭圍攻,但盈盈依然「輸人唔輸陣」,牌章略遜一籌的她,全程以「聲殺」應付敵方,尤其碰牌及槓牌時,更會發出驚人分貝。被公認為「站長」兼且史上最嘈的盈盈,最終連柏檔戴祖儀也看不過眼,不斷催促盈盈「求其」打,結果在極度混亂的情況下,盈盈慘食詐糊,順理成章成為首輪包尾!
而最新一集馮盈盈來了一個「大逆轉」,自稱只是「扮唔識打牌」的盈盈,竟「盲拳打死老師傅」,最終竟然成功進級與有麻雀界「滅絕師太」之稱的麻雀高手過招,不過由於最後一輪沒有了戴祖儀在身邊教路,盈盈「混亂」情況再度升級,認真「得啖笑」!