邊似人母呀？岑麗香「變髮」配弗爆Body勁減齡

藝人岑麗香今年5月誕下細仔「小腰果」後極速收身，身材弗到好似未生之前一樣，完全睇唔出已為兩子之母。呢日佢就喺社交網大晒做瑜伽靚相，見佢以白色吊帶運動小背心︳配粉紅色超緊身長褲上陣，輕露纖腰及隱若騷出事業線，之後就側趴喺瑜伽墊上，拗腰伸腿展現S形曲線，並企起身大玩踢腿晒修長美腿線條，相當火辣。身形Keep到好似後生女之餘，佢近日更換上空氣劉海髮型，令本身童顏嘅佢再度減齡！