MIRROR內訌︱姜濤請Edan硬食天殘腳：好臭呀！

人氣男團MIRROR「半塊鏡」姜濤、Jer、Edan、Anson Lo、Ian及AK，一連兩晚喺會展開騷，一班鏡粉睇到不知幾興奮。而佢哋6子為咗呢個騷都嘔心瀝血排練，望以最佳表現回饋Fans。

開騷咁緊張，騷前都要鬆一鬆，今晚（8日）去到尾場，Edan就喺社交網Post被姜濤「欺凌」嘅片，只見佢哋整頭休息時，姜濤喺梳化向Edan使出「天殘腳」，一腳伸去Edan度畀佢聞，搞到Edan痛苦大叫：「黐線佬」、「好臭呀！」Edan仲話要將姜濤「惡行」放上社交網，果然言出必行，睇到唔少鏡粉笑爆嘴！