好色男女 最愛邊種內衣顏色?

2021年12月08日 23:00
東網電視
更多新聞短片
唔知大家鍾意邊種女性內衣顏色呢?(互聯網)
大家有冇試過陪女友買內衣呢?嗰個環境同氣氣,對單身男士嚟講真係好有幻想!不過話說回來,如果女友問你最想佢着邊種顏色嘅內衣時,你嘅喜好會唔會同日本呢個調查一樣呢?
最具人氣三隻色
女士最愛嘅內衣顏色係咩色?咁男士又鍾意女友着邊種顏色嘅內衣呢?日本內衣公司MARUKO早前就做咗個關於最愛女士內衣顏色嘅調查,訪問咗400名年齡介乎20至50歲嘅男女,睇吓喺佢哋心目中邊種顏色嘅女士內衣最啱心水!
結果係有53%嘅女士首選黑色,其次係有37%喜歡粉紅色,第三位係有29%揀選白色。至於男士心水方面,有48%首選白色,其次係有39%鍾情黑色,第三位係有32%喜愛粉紅色。總結嚟睇,男女最愛嘅三種顏色係黑色、白色同粉紅色。
該調查亦問到女士喺約會時,會唔會挑選勝負下着時,有近9成受方女士都話唔會,而男士亦唔會特別介意女士嘅內衣係乜嘢顏色喎。可惜嘅係調查冇問,如果女友喺約會時唔着內衣,男士又點睇呢?
臨別秋波推出月曆
早前日本AV女優葵玲奈宣布將喺今年12月31日引退,臨別秋波,佢更喺日本網站Campfire眾籌推出2022年月曆。奈妹表示之所以推出月曆,因為可透過寫真相方式,將自己最靚嘅一面展現出嚟,又能夠喺引退後陪住大家度過2022年咁話。為此月曆上嘅寫真相,將以春夏秋冬四季嘅造型登場,不過大家唔好諗住會有露點寫真,因為阿妹講明會着得密實咁演出。雖然如此,但係粉絲亦相當支持,眾籌兩周已籌得超過78萬日圓,距離兩個星期截止日前,相信達到120萬日圓嘅目標並唔難。
話說回來,呢次係佢第二次宣布引退,2015年7月出道嘅佢,曾喺2017年7月引退,跟住同年9月復出,不過阿妹今次推出月曆做紀念,可以肯定短期內唔會復出喇!
90後着緊兵器尺寸
唔少性學家表示,男士只要兵器唔係極細,女士根本唔會介意,但係仍有唔少男士介懷自己兵器嘅尺寸。既然係咁,大家不妨估吓60後同90後男士相比,邊個更着緊兵器嘅尺寸呢?
美國線上診所Medzino早前便針對60後、80後及90後嘅男士進行關於兵器尺寸着緊度嘅調查,發現有60%嘅60後男士,以及61%嘅80後男士會着緊兵器嘅尺寸,而90後卻高達85%咁多!對於呢個結果,有研究人員認為可能係同90後缺乏正確性知識有關,以致佢哋誤以為兵器愈大愈好。事實上,美國早前有女性性福度調查指出,有85%嘅女士滿意伴侶嘅兵器尺寸,故此男士實在唔使為兵器嘅大小而擔心呀!