曾遭同學欺凌變得負面　鍾柔美學識唔介懷

童星出身的鍾柔美（Yumi）在《青春本我》遭同學欺凌，她透露現實中也曾發生：「我以前拍過劇同經常參加比賽，同學知我背景，會喺背後不停講，一開始我會勁唔開心，會因為人哋嘅說話而影響，以前個人比較負面，但依家唔會咁介意。」她曾跟不少藝人合作，問到現在最想跟哪位演員合作？她直言最希望可以跟鍾嘉欣合作：「因為好多人話我好似佢，如果有機會同佢合作會好開心。」

至於詹天文（Windy）則指最想挑戰跟自己性格反差很大的角色，劇中其父母是楊證樺及沈可欣，她指初時覺得2人的氣場很大，傾偈後發現他們都很搞笑，並驚嘆沈可欣可一秒落淚。

對於Yumi指小時候如劇中角色一樣曾遭同學欺凌，Windy則指自己以前經常會跟別人比較，跟劇中角色亦有點相似：「我小學時好重呢個心態，我明明叻過你，但點解人哋讚你唔讚我，依家我覺得只要做好自己，人哋自然會知道。」