孫燕姿碌盡人情卡　拉林俊傑上演天王天后級對唱

新加坡天后孫燕姿近日推出新歌《世界終結前一天》，獲多位帝后級藝人力撐，先有新加坡喜劇天王李國煌、金馬影后楊雁雁參演MV，呢次仲搵嚟好友新加坡天王林俊傑（JJ）合作，隔空合唱新歌，令網民大感驚喜！本身首歌嘅Key已經非常高，但JJ完全未驚過，輕鬆駕馭女聲音域，仲可以連飆高音，果然係天王級唱將，網民都大讚呢個天王天后組合冇得輸，但就指合唱片得短短30秒太短，直呼唔夠喉跪求完整版！