女神封盤了？龐卓欣拋4吋事業線影婚照

前港姐亞軍龐卓欣（Ada）2019年與拍拖6年嘅有米男友孫智威（Solomon）分手，同年火速與金融才俊男友Patrick展開新戀情，二人打得火熱，經常於社交網晒恩愛，閃盲網民。

呢日Ada突然上載多段拍攝婚照嘅花絮影片，隨即令網民揣測女神係咪要封盤！見佢喺郊外取景拍攝，和風日麗、人景合一，Ada換上多個造型，低胸大騷4吋事業線，盡騷驕人身材。不過就未見男主角蹤影，有網友抱住「希望」，估計只係工作拍攝，「自我安慰」女神仲未封盤！