Ariana Grande油白面扮亞洲人被fans鬧爆急刪相

美國樂壇天后Ariana Grande日前於社交網公開近照，照片中她的皮膚較白而頭髮亦變得之前黑，因而被fans批評她文化挪用扮亞洲女子！

照片曝光後，即被fans留言批評：「點解Ariana Grande突然之間似亞洲人？」另有fans亦睇唔過眼：「愛佢但今次唔能夠為佢辯護。」但同時有fans力撐她：「你哋嘅批評令我覺得你哋未見過真正嘅亞洲人係點樣？亞洲人都唔察覺到亦冇評論過。你哋所有人只愛打壓成功嘅女人，係咪？」亦有亞洲fans留言指唔覺Ariana係模仿亞洲人：「明顯你哋冇聽過鎂光燈同冬天會令到你嘅膚色變白！」擁有意大利人血統的Ariana沒有回應被批評，但已將「問題照片」刪走。

查實之前Ariana都被fans批評過扮黑人，指她的膚色突然變黑。