糖妹竟然高過黃宗澤！網民請教「增高大法」

藝人黃宗澤（Bosco）同糖妹合作拍劇而成為好友，早前佢哋去完飯敍之後影合照，佢哋企埋一齊嗰陣，竟然身高相差2個頭，十足巨人同哈比人一樣，場面搞笑！雖然係咁，都有唔少網民話佢哋有身高差好襯，好適合做情侶喎！

而日前佢哋又再「合體」，不過呢次就嚟個180度逆轉，喺合照嗰陣，糖妹竟然高過黃宗澤，仲可以搭住黃宗澤影相添，令到網民都驚訝！黃宗澤留言：「妹身高的奧秘2之佢要高過我！」咁到底糖妹用咩方法令自己高過黃宗澤，係企木箱定櫈仔？黃宗澤就仲Tag番糖妹話：「待續！」咁即係要下回先分曉啦，有網民就估：「下一次是你們一樣高！」，亦有網民搞笑讚糖妹「長高咗！」，仲請教佢「增高大法」添！