捲潘梓鋒涉打鄒兆霆案！吳紫韻：公司叫我唔好亂講嘢！

藝人吳紫韻今日（11日）出席活動，講到之前潘梓鋒涉打鄒兆霆的案件，披露她與潘梓鋒曾有2年情侶關係，但有指當時對方已婚，故傳她是小三？對此她表示：「件事告一段落，唔想再回應，大家向前看對受影響嘅人係最好嘅決定，當日我都唔喺法庭到，唔知來龍去脈同演繹係點，唔想講太多，始終會影響唔同人，唔係咁公平。（同佢冇再聯絡？）冇。（滿意裁判結果？）大家平安就好，要move on。（公司或樂易玲有冇關心你？）樂小姐都有關心我哋，叫我唔好講court case嘅嘢。」

講到與鄒兆霆的關係，她就謂：「朋友關係，大家了解吓先，經歷呢件事後，生活上或事業上都係了解晒所有人同事先再做任何決定，有誤會就對自己最不利。（經過呢件事之後感情深厚咗？）見到好多人情冷暖，好多人關心。」