郭柏妍港大碩士畢業：帶着信念繼續下趟旅程

港姐郭柏妍係上屆港姐季軍，佢入咗行之後除咗有劇拍，仲不時獲邀做綜藝節目嘉賓！雖然佢忙於工作，不過佢都未有放棄學業，就讀港大理科碩士（食品管理與營銷學）嘅佢，要同時兼顧學業同工作，真係唔容易，佢今日（11日）終於碩士畢業啦，佢喺社交網大晒畢業相，睇到佢收到3大紮花同1個大公仔，當然相當開心啦！

佢留言：「碩士終於畢業了！兩年時間，轉瞬即逝，無數夜晚與時間競賽，希望學業和工作兩邊都兼顧得到、不要放棄，亦是我給自己嘅一個小目標。回想起，原來已經6年專注在Science領域，會帶着這份熱情、信念繼續下一趟旅程。這趟，彌足珍貴，既美好又完滿。感恩。也祝各位同學畢業快樂！」唔少網民都留言恭喜佢，仲讚佢好叻女呀！