黃文意演MK妹感開心　自揭從無敲門搵監製

「十億千金」無綫藝人黃文意（Mandy）十分好學，一邊工作都一邊讀書增值自己，近年她在香港大學修讀「比較文學與文化研究」碩士課程，日前更正式畢業！講到修讀此課程，她表示：「因為當中包括好多對表演藝術嘅分析，對我理解同演繹劇本有極大幫助！其實公司都有同事覺得我去進修，少咗時間拍劇，到底個心喺唔喺演戲上，但我正正因為喜歡表演藝術，先竭盡所能喺呢方面增值。我覺得演戲一部分依賴天賦，另一部分靠學養、修為，唔少出色嘅演員前輩同我分享佢哋花大量時間閱讀去廣闊自己眼界，從而拿捏角色。」

她又提到喜歡挑戰演不同類型角色：「之前都有主動搵PA叫佢哋畀我演，結果我由醫生到MK妹都演過，個過程好開心。其實好多人覺得我不如直接搵監製仲實際，但我喺TVB工作咗幾年，真係從來冇敲門求見過監製，因為覺得自己未達到一定嘅實踐去獲得人哋肯定，覺得未夠資格請求人將好角色交畀我。」