陳凱詠開騷着SM皮衣爭番口氣 自爆一直冇自信

2021年12月12日 20:02
東網電視
更多新聞短片
環球歌手陳凱詠(Jace)昨晚(11日)於九展Star Hall為一連兩場的首個個人售票演唱會揭開序幕,甫出場就以型爆的火紅色皮褸登場,獻唱熱爆歌《天生二品》,一輪快歌熱身後,換上性感火辣的緊身皮衣,以SM Feel熱舞演繹新歌《收聲多謝》,索爆身材令全場尖叫聲不絕,Jace和歌迷即「二品官」打招呼:「大家好!現場有幾多係個二品官?由上次《PROCESSED》演唱會400人,今次我哋嚟到Star Hall喇,多謝大家!」
嘉賓Serrini一身bling bling造型登場,跟Jace合唱《相對濕度》,她跟Serrini笑說:「下次你開show唔搵我做嘉賓可以搵我做Dancer㗎!」Jace還送上特備環節,將武術花劍糅合舞蹈,表現出剛柔並重,之後再到師弟Mike(曾比特)出場合唱。
Jace還分享成為歌手前的經歷,稱小時候缺乏自信:「我細個成日覺得自己唱歌唔好聽,又怕同人講鍾意唱歌會被人話發明星夢。不過今日可以嚟到呢個舞台,我想同大家講,有夢想但係未達到嘅你放膽去做啦,我經歷過,只要畀自己慢慢進步,終有一日可以達成自己嘅夢想。」她又提及近來有朋友將會離開香港,眼泛淚光唱出《Ciao》並感性的說:「能夠做得成呢個show唔知點形容,有人提點我要珍惜每個時刻,的確時間過得好快,多謝每個鼓勵過我嘅朋友!」而壓軸嘉賓則是MIRROR成員Anson Kong(江𤒹生)。