田馥甄做許富凱小巨蛋騷嘉賓　原來因為阿媽

台灣組合S.H.E成員田馥甄（Hebe）早前被隊友Ella（陳嘉樺）爆爬山時整傷膝頭後，首度現身擔任金曲台語天王許富凱嘅小巨蛋演唱會，Hebe傷後初愈都嚟做嘉賓，原來又關阿媽事。佢自爆：「因為媽媽是追星界人生勝利組，女兒不小心是田馥甄，所以可以接近他的偶像，我知道她偶爾會傳訊息鼓勵他（指許富凱）或騷擾他。」許富凱受寵若驚咁話：「沒有騷擾！有時候我都覺得我是田家一分子。」38歲嘅佢又自認年紀大：「真的像是一家人，就像我弟弟一樣。」細佢4歲嘅許富凱就話：「你比我家孩子更像我家孩子。」

Hebe又喺台上隔空問媽咪：「媽媽我不是你的心肝寶貝嗎？我以為我是你的掌上明珠！」許富凱聽完又再爆Hebe媽大鑊，話去年有幸做Hebe個唱嘉賓，全因Hebe媽畀機會：「她說會幫我打電話跟女兒說。」除台上嘅Hebe為媽咪咁努力追星而笑到肚攣外，令台下嘅粉絲都笑爆嘴咁滯。