友達以上戀人未滿 石修吹色士風溝米雪
米雪與石修貴為老戲骨,雖然於無綫劇集《十月初五的月光》分別挑戰經典角色「Q姨」及「全海景」,但不約而同表示零壓力,過往亦曾創造不少經典角色的米雪,笑指此後也有演員重演其角色,認為一部質素高的作品才會被翻拍,加上今次故事以流浮山為背景,內裏故事也跟21年前的版本不同,所以有信心為觀眾帶來新鮮感。石修就表示當年舊版本播出時不在港,未有機會觀眾,故視今次版本為一個全新作品拍攝。
由於二人飾演一對友情以上,戀人未滿的知己,為了令觀眾看得有共鳴,所以他們從服飾到對白節奏也一一溝通,米雪表示:「我同石修成日研究點樣演場戲,佢好就得我,睇我點演會遷就我,最記得有場戲要跳舞,佢吹色士風,揀件舞衣都要飄逸啲,就畀咗3套衫石修揀。」擅長吹士風的石修,有機會於劇集顯身手,笑言事前也做足功課練習:「米雪喺劇入面首飲歌係《荷花香》,導演安排我用色士風嚟夾,所以都要Check佢個Key同咩Tone。」不但如此,二人還有跳舞戲份,米雪更早於監製安排老師,自己一早搵老師上堂學舞步,她說:「上咗一堂錄影好自己練,之後畀石修有個概念,有時未埋位就一齊行埋一邊練舞,不過拍嗰日好攰,未停過跳成10幾個鐘,因為同何依婷又跳,仲要教埋啲小演員,好攰但又開心,當做運動。」
談到與胡鴻鈞及何依婷不乏對手戲,米雪與石修同聲指心境也變得後生,還大讚他們非常醒目,米雪說:「依婷係辣椒仔,要喊就喊,大家都知喊好浪費時間,但我好鍾意佢,因為好快,試戲時已嚟料。胡鴻鈞就練手語好叻,嚟到片場永遠準備好晒,我哋唸對白都要望一望,佢完全係嗰個狀態,好叻仔。」