阿女以為冇工開　陳琪即刻搵節目拍：家庭主婦最有貢獻

兩位人母陳琪、黃芳雯之前為香港開電視主持節目《學霸睇樓團》，介紹各區不同小學及以家長角度根據校網睇樓盤。陳琪10年前試過為大女讀書「孟母三遷」，由西貢搬到何文田，但現在卻不會如此，反而搬回西貢居住，覺得環境與學校也較適合仔女，她說：「其實區區都有好學校，我會選擇唔想仔女返學咁辛苦，揀啲屋企附近嘅學校，見過有朋友嘅小朋友跨區返學，5點半已經要上校車，小朋友太辛苦。」

有6年未有幕前演出的陳琪自嘲是「退休人士」，她笑說：「好開心今次拍嘢可以話畀個女聽，媽咪有拍嘢㗎，提升番家庭地位，因為個女開始覺得阿媽都冇返工，都冇貢獻嘅，其實家庭主婦喺屋企最有貢獻，但往往被忽略。」黃芳雯則沒有為兒子讀書而搬屋的煩惱，不過，今次主持節目四出走訪學校，對教育制度亦有加深了解，對兒子將升小一有很大幫助。

Credit：

場地：babejordan_party

陳琪：

化妝：Phoebe Y Image

髮型：Sue Cheung@Saloon festival walk