為黎曉靈做一日掌櫃　謝雪心成世任食臘腸

唔少中女都追捧嫩口男生小鮮肉，但藝人謝雪心卻獨愛臘腸，更獲贈一世任食。日前她應臘味店第四代後人「時尚名媛」黎曉靈（Kimmy）邀請出席臘味店品牌活動時，大談臘腸情緣：「我細個時，爸爸、媽媽會拖住我手去買臘腸，可謂由細食到大，好多年之後，我識咗同我一樣都鍾意狗嘅Kimmy，有年中秋節，佢送咗盒臘腸畀我，原來佢就係我鍾意食嗰品牌嘅第四代後人，真係好有緣。」

謝雪心好欣賞Kimmy嘅孝順同對傳統家業嘅堅持，所以認咗Kimmy做「寶貝女」，仲專程嚟到阿女嘅旺角專櫃做一日大掌櫃，佢話好開心喺看檔期間，可以同班舊客仔話當年，講吓嗰呢份臘腸情緣。Kimmy見阿媽咁捧場，就豪送一世免費任食臘腸，搞到謝雪心笑騎騎，仲露出心心眼。