老婆38歲生日寵到燶！林志穎保鮮婚姻有一手

47歲台灣「凍齡男神」林志穎與老婆陳若儀結婚多年恩愛如昔，就算生咗3個仔仔，兩個依舊似拍拖般咁甜蜜！尋日（15號）係陳若儀38歲生日，「愛妻號」林志穎於家中為老婆舉行生日派對，現場布置滿美人魚主題嘅氣球裝飾，讓老婆搖身變成小魚仙一樣，寵妻寵到一個點！

雖然壽星女未有dress up，反而選擇同林志穎着衞衣情侶裝，3個寶貝仔Kimi、Jenson及Kyson背住鏡頭同爸爸媽媽「合照」，仔仔開始長大，睇嚟想保護佢哋、唔想佢哋曝光。此外，林志穎亦揸辣跑同老婆睇日落，咁識畀浪漫驚喜，難怪保鮮婚姻有一手！