母子平安︱楊茜堯秘密生仔　羅子溢再做老竇笑唔停口

藝人羅子溢與楊茜堯結婚5年，二人去年4月榮升父母，誕下愛女小珍珠，估唔到二人兩年抱兩，昨晚（15日）楊茜堯秘密生仔，母子平安，湊成一個好字！羅子溢早前一直停工原來係為照顧太太，羅家近日更搬咗新屋迎接小生命，今次楊茜堯收收埋埋大肚，羅子溢就想尊重老婆，所以遲遲未公布喜訊。羅子溢見到囝囝出世，已經笑到唔停口，今日（16日）都忍唔住打電話畀身邊朋友報喜。而計番日子，應該係兩公婆拍完大陸劇返港後，就成功造人。

剛剛經歷分娩之痛嘅楊茜堯，亦已經恢復精神，回覆東網謂：「多謝大家關心，感謝各位??❤️」

再次榮升「姑媽」嘅張文慈，亦回覆東網指會下月尾回港探BB：「好戥細佬（子溢）開心呀，湊成一個『好』字。希望BB健康成長，等我一月尾返嚟，補番封大利是畀佢，同埋同細佬飲茶敍舊。」

而羅子溢好友張曦雯回覆東網說：「佢冇講我知呀！真係㗎 ？恭喜晒，我會買件衫仔送畀BB，聽到呢個消息好開心。楊茜堯好友林夏薇則說：「我都啱啱知先呢個消息，真係好神秘，好戥佢開心，不過依家唔騷擾佢住，之後親自恭喜佢。」