張蘭又發功　自爆曾拋大S仔仔落草坪

台灣藝人徐熙媛（大S）宣布與汪小菲離婚，「前奶奶」張蘭就多次開直播或拍片，幫阿仔汪小菲證冇小三介入婚姻等，又多次捉阿仔出鏡Sell Product，今次佢就再次嚟料，拍攝短片自爆去咗廣東開工，先晒出同孫仔「小箖箖」珍貴合影，再講到當地春暖花開，不禁令佢諗起遠在台灣嘅乖孫，自爆有一年自己生日，全家飛歐洲度假，佢帶小箖箖去睇繁花錦簇嘅美景，點知乖孫跑跑吓就扭傷腳，佢擔憂孫子因此受傷，情急下就拋佢落草坪：「我下意識地就把小箖箖給扔到草坪上去，那個時候他剛剛一歲多。」搞到之後小箖箖一曳，保母阿姨就會嚇佢話：「奶奶（嫲嫲）來抱你了！」。而因為疫情關係，張蘭長達2年冇過台灣探望孫仔、孫女，前陣子北京大雪，佢就喺起霧玻璃上寫「玥玥、箖箖」表達想念。