單立文遭群姐強吻想輕生　姚子羚一句話講出真相

藝人單立文（豹哥）於社交平台上載了一段被「群姐」許思敏強吻的的片段，這段片當時是《愛．回家之開心速遞》的劇情，只見畫面中的豹哥流晒鼻血，而群姐則大大力咁啜向佢塊臉，豹哥更留言：「呢一嘢群姐真係錫咗落嚟！我當時真係有輕生嘅念頭......唉！」影片PO於社交網後，不少圈中好友都紛紛回應，同劇的呂慧儀指群姐好狼死，姚子羚指豹哥根本就想咁，就連「豹嫂」胡蓓蔚都玩埋一份，她留言：「太好了，有群姐照顧你我就放心啦！」之後袁偉豪仲加多腳，指豹哥「有福」，豹哥果然多老友。