痛心病母突離世　陳君宜忽患椎間盤突出症

名媛陳君宜（Qinnie）早年淡出社交圈，近月經營護膚品生意才逐漸蒲頭，她透露「失蹤」了年多的原因，原來去年7月媽媽突然離逝，令她大受打擊。她透露去年媽媽意外在家中跌倒，盆骨骨裂，需要即時做手術，卻發出醫療事故，媽媽在手術期間心跳停頓，她原本想追究，但爸爸不想再提傷心事，希望盡快忘記，故她亦尊重父親，她說：「媽咪做手術前仲好精靈，佢只係78歲，唔算好老，突然走咗，心情唔好唔想見人。」Qinnie向來愛錫媽咪，在媽咪在生時經常陪伴，故沒有遺憾。

另外，她又透露幾個月前某日睡醒時，突然在床上重彈不得，原來患上椎間盤突出症，手術後左腳變得無力，現在除了行路和游水，不能做劇烈運動，她笑說：「呢啲係以前做模特兒着高踭鞋，及滑雪成日跌倒嘅後遺症，依家乜都唔玩得，不過疫情下都冇得飛，最慘係個仔跑我跟唔到佢，只能陪佢行行企企，覺得人要樂觀啲，開心啲，既然發生咗，都冇辦法。」