懶理女友嗌分手！Jer Post新女合照嗌感動

MIRROR成員柳應廷（Jer）近日被爆與圈外女友Kelly分手，二人互相取消追蹤對方社交網，更有傳係Jer為《全民造星IV》做導師時暗撻參賽者、22歲「翻版朱茵」許寶恆（Alice）。雖然Jer未有承認同女友分手，不過同時佢亦懶理緋聞，同Alice毫不避忌，今日（17日）凌晨更出Post晒出與Alice及其他女選手嘅黑白大合照，完全唔怕緋聞再發酵。

Jer喺合照中企正中間，而Alice則同佢隔開幾個身位，二人未見親密，各有各擺甫士，而Jer嘅留言亦未有刻意提及對方，相反佢就自嘲次次拍節目都會被拍到爆喊醜態，似乎想用自己「靚樣」轉移視線，又留言大讚每位選手都做足功課、付出努力，以師兄身份撐班「囡囡」繼續追夢。