上屆選港姐︱鄺美璇被求婚成功　晒巨鑽宣布封盤

與港姐冠軍謝嘉怡同屆嘅「友誼小姐」鄺美璇，尋晚（17號）突然於社交網報喜，宣布被求婚成功，女神正式封盤！佢晒出求婚照並興奮留言：「I said YAAAAAAASSSSSSS! Here’s to love, laughter and happily ever after」相中要求地方喺汀九橋前嘅沙灘上，準新娘捧住大大束紅玫瑰，向鏡頭大晒巨型鑽戒，而沙灘布置滿紅玫瑰及蠟燭，非常浪漫。因同屆港姐而成為好友嘅謝嘉怡、陳楨怡、郭柏妍，紛紛留言送祝福戥佢高興。

其實較早前已露端倪，7月時鄺美璇晒出於五星級酒店拍攝嘅婚紗照，戴上皇冠嘅佢十足女皇一樣，睇嚟未來老公錫到佢燶！