女神玩「變髮」　張曦雯不捨剪短髮失控爆喊

無綫花旦女神張曦雯（Kelly）出道以來一直保持住一把長長秀髮，但近日佢突然「變髮」，剪走留有多年嘅長髮，換成短髮Look！佢喺社交網大晒剪髮時嘅片段，見髮型師為佢一刀切，頭髮短至及頸，長髮更散落地面，期間Kelly對於長髮被剪大感不捨，一度忍唔住落淚，要掩面及用紙巾抹淚，令佢勁尷尬，邊喊邊笑，場面搞笑。不過佢就未有公開新髮型嘅最終成品，令唔少網友都直呼期待。

張曦雯接受東網訪問時，表示為了《破毒強人》而將頭髮剪短，因為從來未試過，所以大感不捨，短到好似冇頭髮咁，似男仔頭，但因為好鍾意個角色，所以剪得有價值。