華晨宇嘉年華式開騷　粉絲打住牌聽歌

喺內地真係無奇不有，講緊係內地當紅歌手華晨宇嗰場火星演唱會，佢呢次喺海口舉行嘅戶外個唱，分下午同晚上場，全程企位，為咗令歌迷聽歌聽得free啲，佢將個個場打造成嘉年華會咁，地方大過個足球場，場內有美食區，畀入場嘅歌迷放肆掃街外，仲有嘢買，不過唔單止只賣佢啲肖像紀念品，而係香蕉梳發，啲歌迷可以瞓喺梳化度，食住魚蛋睇佢live騷。

而最令人要畀Like係自由度好高，場內竟然有歌迷將屋企嗰張吹氣床墊搬入嚟，有啲更無敵，直頭抬埋張麻雀枱嚟打返幾圈。雖然個星喺台上唱歌，啲歌迷喺台下攻打四方城，好似唔係咁尊重位表演者，但華宇晨就完全唔介意，仲喺佢個社交網甫咗張歌迷打牌相，留言:「先打九條（索），我要是你就把幺雞（一索）也打了，做大做強做一清一色。」睇嚟華宇晨都係「打雀英雄」嚟喎。