汪詩詩打贏宇宙最強　甄子丹：不要低估你的對手

「宇宙最強」甄子丹竟然唔夠老婆汪詩詩打？事緣甄子丹一家到室內競技場玩，汪詩詩大顯身手，原來佢攀石又得，跳彈床更加難佢唔到，不過估唔到佢連老公甄子丹都打低，兩人於一條獨木橋上進行大戰，各自手執一條黑色長形枕頭互打，子丹一開始身手敏捷，面對詩詩步步進攻，佢就擺起功架，下盤勁穩抓實條橋，但面對詩詩不停進攻，甄子丹開始招架唔住，被老婆一棍打落海綿堆中，原來詩詩其實有計謀，子丹喺社交網留言話：「永遠不要低估你的對手！（看到最後！）老婆多年來一直在兒子的生日聚會上偷偷練功，在引誘我決鬥後，假裝先輸給了我兒子，然後她惡毒地殺了我！」