歌神送聖誕驚喜︱張學友相隔8年推個唱Box Set

歌神張學友喺8月時孖李幸倪（Gin Lee）合唱《日出時讓街燈安睡》，令歌迷相當驚喜，首歌喺網上平台嘅收看次數有成逾160萬咁高添，佢嘅歌迷一直都等「歌神」再有新作品嘅時候，其實學友已準備咗另一份聖誕驚喜，因為佢唱片公司將喺平安夜前一日，推出被譽為《經典之上．神級鉅作》嘅《學友．經典世界巡迴演唱會》精裝CD，而學友為咗佢呢次相隔8年嘅個唱CD Box Set，好少做出嚟做宣傳嘅佢，都即將「歌神」再現，喺嚟緊星期二（21號）進行網上媒體見面會，講吓佢呢個有4個項目嘅演唱會CD。

學友呢次推出嘅演唱會CD Box Set，收錄咗佢喺2016年開始啟動嘅《A CLASSIC TOUR學友．經典》世界巡迴演唱會，巡唱歷時長達2年多，喺全球舉行過233場，估計有成450萬現場歌迷睇過。唱片公司今次就將台北、香港站嘅經典場面製作成分金、銀款共4個項目，而學友就話：「原原本本，將歌曲嘅感覺帶畀大家，都希望大家可以跟住音樂，快樂嘅時候快樂，開心嘅時候開心，感動嘅時候感動。」