遇上魷魚達人！謝霆鋒High爆跳舞：Everybody Stand up

韓劇《魷魚遊戲》熱爆全球，大受觀眾歡迎，但係身為內地真人騷評判嘅男神謝霆鋒，呢次唔係睇到《魷魚》好興奮，而係見到有參賽者即場烤一大堆魷魚串，而High到爆呀！身為「Chef Lemon」嘅佢廚藝了得，睇見有人烤魷魚，當然好「手痕」想出去露兩手，不過作為評判嘅佢，當然唔會破壞比賽規則，但係佢就忍唔住同現場觀眾講：「要不要一起來High一下！」之後佢嗌同觀眾一齊起身跳舞：「Everybody Stand up！」炒熱全場氣氛！

其實呢個參賽者係受到霆鋒嘅影響，先會做魷魚達人嘅，佢留言：「探我探店短視頻的朋友，突然變身烤魷魚達人，探店的DNA又動了！」因為霆鋒成日帶大家周圍「探店」食好嘢，其中有一次佢去咗杭州夜市幫襯咗間「魷魚皇后」嘅小店，大讚非常好食，結果間小店多咗好多生意，一晚可以賣成500斤魷魚賺大錢，唔知呢個參賽者係咪見到呢間小店咁成功，而有樣學樣去烤魷魚呢？