王祖藍兩寶貝女生日　李亞男搞夢幻派對慶祝

藝人王祖藍與李亞男婚後誕下兩名寶貝女，一家四口幸福美滿，兩個囡囡生日好接近，每年都會一齊慶祝。唔經唔覺大女Gabby已經3歲，而細女Hayley就1歲，作為媽咪嘅李亞男悉心舉行派對慶祝，今日（20號）喺社交網上載多張當日嘅相片，見現場以淺粉紅色卡通人物為主題，除咗布置滿氣球裝飾，仲特意預備咗多個生日蛋糕，當中有個Gabby專屬公主城堡蛋糕，非常夢幻，Gabby似足小公主咁，萬千寵愛在一身。此外，仲係BB嘅Hayley中途玩到冇「電」，李亞男一手抱住佢，一手撐住腰作狀唔滿意嘅表情，兩母女非常搞笑。