陳詩欣自爆新屋窗台可以瞓兩個人：攤一整天

「一件頭女神」陳詩欣之前下嫁有米老公，婚後過住幸福新婚生活。日前佢喺社交平台分享，原來佢搬咗新屋差唔多兩個月，至愛新屋嘅窗台位：「因為唔想出街嘅時候，可以攤在這個位置一整天，重點係可以瞓兩個人。」佢仲上載咗幾張喺窗台影嘅相，佢影相時「下衣失蹤」，大騷白滑長腿，而相又有另一重點，就係見到佢屋企嘅背景，背後對正山頂嘅凌霄閣，曲線晒命自己住山頂！有口痕網友抵死笑言：「得啦知道係山頂啦！」