撐唔係遲到王！許家傑娶林淑敏超越「神交」

藝人林淑敏、許家傑在將軍澳電視城出席《愛．回家之開心速遞》之「喜慶過冬至」，「龔水戀」呂慧儀、張景淳與「蓮輝戀」林淑敏、許家傑大婚將於27日出街，席間兩對新人大派囍帖。林淑敏與許家傑受訪時講到結婚戲，她說：「拍咗1,500集，今次係最大壓力，好似真係結婚咁，自己結婚都淨係行教堂、冇擺酒，所以好多習俗都唔識，上頭都未試過，成個過程好開心好團結。」許家傑則指婚紗相也拍了一日，拍攝時收到很多街坊的祝福。講到結婚場面可有咀嘴？他笑說：「要賣個關子先，之前就『神交』今次就有突破。」

講到林淑敏被指是劇中「遲到王」之一遭高層曾勵珍落廠「訓話」，許家傑則搶住「護航」說：「我同佢合作咗咁多年，我可以用人格擔保，佢唔係『遲到王』，佢係一個專業演員。」林淑敏則否認笑說：「我又覺得冇乜所謂，臨近頒獎禮總會有呢啲花邊新聞，呢件事我都唔喺現場，清者自清。（珍姐冇同你傾過？）我打畀監製問係咪我有問題，監製都好忙，不過都好嘅，話我遲到，都好過話我難相處，哈哈。」