下月開騷練定馬甲線　譚嘉儀搵胡鴻鈞做嘉賓

譚嘉儀、陳柏宇等在將軍澳電視城為《勁歌金曲》錄影擔任嘉賓，譚嘉儀1月尾將會舉行首個演唱會，暫時舉行一場，希望反應熱烈有機會再加場，她說：「已經籌備咗幾個月，除咗練歌排舞，仲為演唱會準備咗一首跳舞快歌《Eyes On Me》，亦會碌人情卡邀請嘉賓，已經聯絡咗胡鴻鈞，佢拍過我第一首歌嘅MV，好希望佢可以見證我嘅演唱會，佢都冇托手踭，好樂意幫我。」

譚嘉儀為演唱會節食做gym，希望能練出馬甲線，為新歌排舞時間緊迫相當辛苦，又透露新歌《Eyes On Me》MV花了6位數製作，是她的紀錄，拍攝時更搏盡老命，要在吊到半空的貨櫃跳舞，又向朋友借出跑車在身邊飄移，有一定危險性。