梁靜茹高炒晒線頭　超Fit狀態贏盡4千Like

43歲馬來西亞「情歌天后」梁靜茹2019年與前夫趙元同簽字離婚，離婚1年被拍到當街激咀年長14年嘅國際企業公司總裁林達光，可惜戀情見光死，今年2月梁靜茹宣布分手。之後寄情工作，專注歌唱事業嘅佢原定今年6月於台灣高雄舉行演唱會，但由於疫情影響騷期延至明年2月。因禍得福，多咗時間籌備演唱會，梁靜茹現正積極備戰，尤其完美體態，每日堅持做運動，務求以最佳狀態示人。

尋日（21號）趁住冬至，梁靜茹出Post祝粉絲及網民冬至快樂，留言寫道：「冬至這天，北半球晝短夜長，這天正是陽氣初萌而冬盡春回的日子，所以稱之為『冬至』。願我們在這寒盡暖溢的日子裡，健康平安，心靈富足。」配以一張高炒自拍，着上運動外套大騷線頭，面紅紅似乎啱啱做完健身，唔少網民大讚一啲都唔似實際年齡，仲愈戰愈勇，難怪勁吸4千多個Like，獲讚係高質單身貴族。