甄子丹晒孖老婆禮佛相　意外吸引Tony Jaa夢幻互動

「宇宙最強」甄子丹早前於法國拍畢與荷里活巨星奇洛李維斯合作嘅新片《殺神4》後，便回港與家人相聚，近日除咗一家人慶祝聖誕節外，誠心向佛多年嘅佢，呢日就同老婆汪詩詩齊齊去到大埔慈山寺禮佛，佢喺社交網上載參拜嘅照片，見佢哋兩公婆喺佛像下雙手合十，表現虔誠，甄子丹又留言表示：「心中有愛，行中有善。」發文一出，吸引到大批網民讚好，就連甄子丹多年好友、同樣信佛嘅泰國功夫巨星Tony Jaa都有留言，貼上合十表情符號。其實2人自2017年荷里活電影《3X反恐暴族：重火力回歸》（xXx：The Return of Xander Cage）後就再未合作，今次隔空互動令唔少網民希望2人可再度合體。